Energiari buruzko informazio guneak ireki ditu herriz herri Debagoieneko Mankomunitateak, herritarrei orientazioa eskaini eta nork bere etxeko energia kontsumoa ulertu eta murriztu dezan. Antzuolan, ostiraletan egongo da udaletxean, 9:00etatik 14:00etara. Azken batean, herritarrak eta merkatari txikiak energiaren inguruan informatu, sentsibilizatu eta ahaldundu nahi ditu Mankomunitateak, eta horretarako, hurrengo gaiei buruzko informazioa eta laguntza emango die:

• Argindarraren edota gasaren fakturetan agertzen den informazioa.
• Merkatu arautuan eta librean dauden aukerei buruzko informazioa.
• Datu historikoetan oinarrituz, horniketa bakoitzari dagokion potentzia optimoaren azterketa.
• Etxean instala daitezkeen energia berriztagarrien inguruko informazioa.
• Etxebizitzaren birgaitze energetikoaren alorreko aholkuak.
• Laguntza ekonomikoei buruzko orientazioa (bonu sozialak, GLL eta bestelakoak).

Era berean, telefonoz eta e-postaz ere eskatu daiteke informazioa eta aholkularitza, 747 48 51 47 telefono zenbakira deituta edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera idatzita; energiabulegoa.debagoiena.eus webgunea ere jarri du herritarren eskura Debagoieneko Mankomunitateak.