Antzuolan izango da Patxi Saizen Itxaropena disko berriaren aurkezpena.
Eguna: martxoak 18, egubakoitza
Ordua: 22:00
Tokia: Torresoroa
Auto-ekoizpena den disko hau, Musikorta eta Noizbehinka estudioetan grabatua eta nahastua izan da 2010 urtean zehar.
Patxi Saizen ahotsa eta gitarra dira oinarri kantu guztietan, ahotsaren esentzia izanik ardatz nagusiena; hain zuzen ere, bi ahotsetan diren abestietan nabariagoa da esentzia hori bere gordintasunean. Kantautore izaera oinarri izanik, diskoa instrumentazio ezberdinez jantzita azaltzen zaigu: pianoa, akordeoia, biolina, oboea, armonika, baxua eta perkusio ezberdinak.
Kantuen hitz gehientsuenak Patxi Saizenak badira ere, beste autore batzuen hitzak ere erabili ditu, besteak beste, Ernest Arranbide, Luis M. Lauzirika “Txili”, Inazio Eizmendi “Basarri” eta Telesforo Monzonenak.
Bere kantuetan herrimina, espetxea, amodioa, barne hausnarketa… dira jorratzen diren gaiak eta, bereziki, itxaropena izanik, oro har, aterabide nagusia.
Entzun bere musika: http://www.youtube.com/watch?v=_qSFMKxCDTA&feature=related
PARTAIDEAK
Patxi Saiz: ahotsa gitarra eta baxua.
J.Luis Aranburu: akordeoia eta teklatua.
Xabier Azkarate: perkusioa
Josu Salegi: oboea
Nerea Lasarte: biolina
Kolaborazioa: Kemen Lertxundi (armonika)